حقيقة

الأخذ بالاسباب سُنه

والاعتماد عليها شرك

وتركها معصيه

وماذا وجد من فقد الله
وماذا فقد من وجد الله

عن لسان خطباء الجمعه
بمسجد اسد ابن الفرات - بالدقي

The Life

Life is simply a combination
Of
People we meet
And
Days we spend it with those people.

People we lived with them
The happiest and saddest days ever.

Days we wish if we could live it again
And days we wish if it didn't happen at all.

People we wish if we could live with them for ever
And people we regretted meeting them,

But the truth is that,

That will keep happening as long as we are alive

And live never stop upon the death of someone you loved

Or

A friend you had to leave

Or

Someone you loved him deeply but he didn't feel your love

Or

Something you liked to do but this doesn't work any more.

Sometimes when any of these happen
We think that life should stop..........

But it doesn’t.........!!???

That's life

The Hardest thing about moving forward
Is not looking back.

If we want life to move on

We should look forward not behind us

Men of Honor

See your self always there,
will arrive

You will when you believe

"Be the best"

believe in that:
There is no so-called Impossible

History is made by those who break the rules

ZKRAYAT

مـــــــشـــــــوار
طــــــــــــــــــــــــويـــــــــــــــــــــــــــل

مشوار طويل في وسط ليل مافيهوش قمر
وقلب تايه
إحساس بغربة من البشر

وأنا وحدي بأمشي في سكيتي

موجود
بـ عافر
بـ أنتصر

أقع
عزيمتي بتنكسر

أقف
وأكمّل خطوطتي

هلاقي هدفي في قصتي

شايف
في أخر الضلمة نور

لو حاشني سور
أهده
هد

إحــــــســـــــــاس بـــجـــد
بإني هأوصل من غير ما قلبي يساعده حد

مـــــشــــــــــــــوار
طـــــــــــــــــــــــويـــــــــــــــــــــــــــــــــــل

أسرار الكائن الغريب الذي نلقّبه بـ "المرأة"0

كنت في فترة إمتحانات الليسانس في مايو 2008 ، وكنت مقيم في شقة جدي ـ المتوفي ـ بمفردي لوازم التركيز مش أكتر ، كنت خلاص جبت أخري ... دماغي كانت هتنفجر من الضغط اللي أنا كنت عايش فيه ، فقولت اروح شقتنا ـ في نفس الحي ـ أغير جو و أرجع تاني

المهم رُحت الشقة و قعدت على الكمبيوتر شوية و وأنا ماشي لاقيت مجلة على السفرة ، قمت واخدها ، وقلت أتسلى بيها هناك في فترات الراحة من المذاكرة ، المجلة كان اسمها مجلة شباب الجامعة العدد 46 ـ مايو 2008

المهم في مرة كنت مخنوق من المذاكرة ، فقولت أقرأ في المجلة ، العدد في الحقيقة مميز لإنه كان بيتكلم عن مئوية
الجامعة ، ومن ضمن الحاجات اللي شديتني في العدد دة مقالة كانت عن المرأة الجذابة في عيون الفنان العملاق عمر
الشريف

قرأت المقالة و في الحقيقة عجبتني أوي ، فقررت إن أعمل عنها تدوينة ، مع إجراء بعض الاضافات عليها ، لتصبح
تدوينة عن أصناف النساء

تشكيلة
مافيش شك أن المرأة كائن مهم جداً على كوكب الارض ، وليها دو مهم و مكمل لدور الرجل، زي ما الرجل ليه دور مكمل لدورها... بس الستات مش زي بعضها ، وياما كتّاب كتبوا عن المرأة و طبيعتها و أنواعها ، لكن لما يكتب فنان مشهور مقطّع السمكة و ديلها ـ لا دة مقطّع كل حاجة في السمكة أساساً ـ زي عمر الشريف

هنا هيكمن الاختلاف ـ فمعرفة الدرب غير السير فيه ـ فخبرة الممارسة تختلف كثيراً عن خبرة القراءة ، خاصة لما تكون خبرة حد زي عمر الشريف

المهم عمر الشريف كتب في المقالة دي بيقول
إن المرأة ذات الشخصية هي تلك التي تتجدد دائماً في عين الرجل و التي تنتقي ألفاظها و عباراتها و الموضوعات التي تتناولها بحيث يجد الرجل نفسه مرتبطاً بها و لا يريد ان يتركها ولكن كما يقول المثل
الحلو مايكملش
ففي رأي عمر الشريف أن المرأة الصارخة الجمال لا يمكن ان تكون شخصيتها قوية .. كما أن الشخصية القوية لا يمكن أن تكون جميلة

والسبب في ذلك أن صاحبة الجمال الصارخ دائماً ينتابها الغرور و الإحساس العميق بجمالها هذا .. فهي واثقة من مقدرتها على إرغام الرجال على الركوع تحت قدميها في إنتظار ابتسامة أو ضحكة أو حتى غمزة .. ومثل هذه المرأة تنسى كل شيء عدا جمالها فتضيع شخصيتها .. وهذه المرأة تجد معجبين كثيرين .. ولكنها
لا تجد رجلاً يحبها مدى العمر

أما السيدة التي لاتشعر أنها فاتنة فهي تحاول بإستمرار إكمال ذلك النقص بتثقيف نفسها و تنمية مواهبها و شخصيتها و هي من ذلك النوع الذي ينتقي العبارات و يفكر قبل أن يخطو و يحاول جاهداً كسب أكبر عدد من الاصدقاء

و السؤال الان : أي المرأتين تسعد الرجل بحبها؟ هل هي المرأة الجميلة؟ أم المرأة اللبقة المتوسطة الجمال؟

يقول عمر الشريف: أنك إذا كنت من ذلك النوع من الرجال الذي لايستقر في عواطفه و يميل دائماً للتغيير فنصيحتي لك أن تبحث عن الجميلة جداً ثم تحبها .. و أنا أضمن لك أنك لن تكتشف تفاهتها إلا عندما تشبع و تروي ظمأك

وعشان أدعّم صحة الكلام دة ، قرأت في نفس المجلة و لكن في مقالة مختلفة بعنوان
إحذر الجمال الفتان فتاك

إن في دراسة لمجلة أمريكية متخصصة بشئون الاسرة أجريت على 3500 رجل ممن تزوجوا نساء جميلات ، أنه كلما زاد جمال الزوجة توفي الزوج و هو في سن مبكرة و ان الزوجات اللاتي حصلن على درجات عالية في مستوى الجمال أصبحن أرامل في بداية حياتهن بينما عاشت ذوات الملامح العادية مع أزواجهن أعماراً فاقت الـ98 عاماً
حذرت الدراسة من أن مستقبل زوج المرأة الجميلة ليس باهراً جداً فهناك واجبات شاقة تنتظرهلأن 80% من أزواج الجميلات يتحملون شئون المنزل و الاولاد بما في ذلك غسل الصحون و الطبخ أحياناً
لأن الجميلات لا يعبأن بشئون الاسرة و البيت بقدر أهتمامهن بالمكياج و الملابس

أظهرت الدراسة أن البعض يتصور أن السعادة الزوجية ترتبط ارتباطا وثيقاً بالجمال و أن الجميلات و أزواجهن أسعد الازواج ، لكن الواقع يؤكد عكس ذلك ، فالمظهر الخارجي للزوجة يلعب دوراً في جذب زوج المستقبل و الجاذبية وحدها لا تكفي لتكوين حياة زوجية سعيدة و في دراسة أخرى أجراها مؤخراً خبراء جامعة كونيكتيكت الامريكية ، ثبت أن المتزوجين من متوسطات الجمال هم الاكثر حظاً من حيث طول العمر

وقال البروفيسور دابلن الذي أشرف على الدراسة: إذا كانت زوجتك جميلة و جذابة و تمتلك حاسة الاناقة و بقية المتطلبات الجمالية الاخرى فلا تطمع بطول العمر (اللهم أحفظنا) ، يكفيك ما حصلت عليه ، أما طول العمر فهو من حظ أزواج متوسطات الجمال
وتوصلت الدراسة إلى أن الفرق في متوسط العمر بين زوج الجميلة و زوج القبيحة قد يصل إلى 12 سنة

أنا متفق مع الكلام دة قلباً و قالباً ، بس عايز أضيف حتة تخص مجتمعاتنا الشرقية ، فيما يخص طبيعة المرأة _ ودة تعبير عن وجهة نظري الشخصية البحتة المتواضعة

أن شايف إن الادب معيار هام جداً لابد من توفره في البنت أو المرأة بشكل عام ، لكنه ليس االشيء الاوحد الذي يمثل
الاساس الذي يقوم عليه بناء المرأة

فما فائدة التأدب مع ضعف الخبرة و العزلة و ضيق الافق ، وتدني مستوى الاهتمامات و غياب الاهداف الجوهرية من التواجد على سطح هذا الكوكب و كأن المرأة ليس لها دور تلعبه في الحياة سوى دور الأرنبة وسيزداد الامر سواء _في ضوء المقالة السابقة_ إذا كانت المرأة غير جميلة ، فأنت متزوج من شخصية غير جذابة و لا تعلم شيء في أي شيء

أنا لا أحب المرأة الجميلة ، و لكني أحب المرأة متوسطة الجمال صاحبة حس الاناقة ، وهذا شرط غير جوهري في شروطي الشخصية نحو البنت أو المرأة كما أحبها أن تكون
فالشروط الجوهرية لتقييم أي بنت من وجهة نظري هم ثلاثة شروط ملهمش رابع

الثقافة ، ما الذي تعريفينه عن الحياة ؟
المهارة ، ماذا تستطيعي أن تفعلي ؟
الخبرة الحياتية ، كيف تستطيعي أن تتصرفي لو ...........؟

و على فكرة الشروط دي مش لتقييم البنات بس ، الشروط دي من وجهة نظري هي شروط لتقييم الإنسان بوجهٍ عام أياً كان جنسه أو لونه أو اصله و أتمنى إن إجاباتي على الاسئلة دي تكون في تطور دائم، أنا و كل الناس
أخر حاجة أحب أقولها ، والكلام ليا قبل ما يكون ليكم ، ياريت مانتسرعش في الحكم على الناس اللي بنتعامل معاهم أياً كانوا ـ سواء بالسلب أو بالايجاب ـ من خلال مواقف سطحية، وياريت نبقى أصحاب نظرة متعمقة في الحياة ، و يا ريت نقيّم أنفسنا قبل ما نقيّم الناس

من الاخر إهتم بالجوهر و نفّض للمظهر

أختتم التدوينة برباعية ارتجلتها و أنا قاعد

دوُل تشكيلة في بترينة

فيها الاوكشة و المثقفة والرفيّعة و كمان السمينة

إعرف إزاي تنقي

قبل ما تكّعبِل ياأخينا ... وعجبي

Emotional need

How long will I be waiting,

To be with me,

I can't take a day without you here,

You're the light that will make my darkness disappear.

I can't take aday without you here,

You're the light that will make my darkness disappear.

منقطع عن التدوين مؤقتاً

نظراً للظروف التي أمر بها من إمتحانات أخر العام

و الاكثر من ذلك توافق مجيء أمتحانات الكورسات مع إمتحانات أخر العام

لكن ماتقلقوش إن شاء الله ربما هيكرمني و هأعرف أسد

بس لغاية ما أخلص من العاركة دي

أنا منقطع عن التدوين

وياريت بقى الناس تدعي لنا

أنا متفاءل و حاسس إن شاء الله

إن ربنا هيكرمني

و اللي جي هيبقى أفضل إن شاء الله

قولوا يا رب

أستودعكم الله الذي لا تضيع لدية الودائع

التربية العسكرية

انا كنت مطحوووووووووووووون بكل ما تشمل الكلمة من معاني

كنت مطحون في امتحانات نصف السنة و في الأستعدادات الخاصة بالفترة دي

و بعد ما خلصت الامتحانات و قولت هأخد نفسي و هأريح وهأنام براحتي

أفتكرت ان عندي دورة التربية العسكرية لمدة أسبوعين ، اللي هما مدة الاجازة

مش قاااااااادر أقول لكم الاسبوعين دول كانوا عاملين إزاي

حقيقي أنا أستفدت حاجات كتير .... بس

الصحيان الساعة 6ص و الطابور الساعة 7.30

و بالزي الموحد اللي هو كاب أزرق و قميص أزرق و بنطلون جينز أزرق ، لبس المساجين

و ياريت على كدة وبس دة لسة في محاضرات و تدريب و بحوث و مناقشات

اللي كنت بأسمعه ... ان العسكرية دي تقضية

لكن سبحان الله كل حاجة عندنا كانت بتبقى بالورقة و القلم

بس لو عايزين الحق انا حبيت الفترة دي جداً

أولاً : جربت الدراسة من غير بنات و حقيقي فرقت معايا

ثانيا: إتعرفت على أصدقاء ولاد كتير و دة شيء انا مفتقده جداً

ثالثاً : عيشت تحت ضغط

رابعاً: أخذت ثقافة عسكرية محترمة جداً جداً

خامساً: عملت بحث في شخصية عسكرية و أخترت شخصية سيدي و تاج راسي

أخترت السيد عمر المختار و أتعرفت عليه أكتر و أكتر من خلال القرأة

سادساً و أخيراً : ما أنكرش إني إتعلمت شوية خشونة و صبر ، بس أكتر حاجة إتعلمتها إزاي أصبر

و ما أركزش على الخطوات على أد ما أركز على العائد اللي هيعود عليا من اللي أنا بأعمله

بس الحمد لله الفترة دي عدت على خير

بعد كل دة رجعت تاني لجو الدراسة الجامعية

بس رغم كل دة

ماأتمناش إني أدخل الجيش و لا الايام دي تكرر تاني

دفعني الفضول

اليوم كان في بدا يته عادي جداً يوم جامعي طبيعي ، كان يوم السبت واحد ديسمبر2007 روحت الجامعة و دخلت المحاضرة و سلّمت على الناس و كان من ضمنهم هيام زميلتنا ، بعدها روحت و جلست في أخر بنش ، لاقيتها جاية في اتجاهي سلّمت عيها تاني و بعدها سألتني هو السلام عندكوا (إحنا المسلمين) بالأيد على البنات حرام ، فتعجبت من السؤال شوية وبعدها سألتها ليه ، قالت لي إنها قابلت حد زميلها ماشفيتهوش من فترة ولما مدت ايديها عشان تسلّم عليه رفض و هي إتحطت في موقف محرج ، قولت لها إن اللي أنا أعرفه بخصوص موضوع التسليم إنه مش حرام وبيرجع للنية ، إحنا عندنا حديث بيقول فيما معناه "لأن يطعن أحدكم بمخيط في رأسه خير له من أن يمس امرأة لا تحل له" يمس هنا معناها على حسب ما سمعت من عمرو خالد يمسها بشهوة

فخلاصة الموضوع قولت لها إن التسليم مش حرام وبيرجع للنية و هتأكّد برضوا وهبقى أقول لك ، قبل ما الحديث ينتهي كان أنضم لينا صديقتين واحدة أسمها سارة نادي(مسيحية) و هالة- مسلمة

المهم استغليت وجود هيام و سارة ناجي و طلبت منهم أعرف قصة الفداء الخاصة بالسيد المسيح ، و بالفعل سردوها لي و أتناقشنا في بعض القضايا متفقين ألّاـ نخسر بعضنا كأصدقاء ، ولهيام كلمة مشهورة في هذا الجانب فهي تقول "أنا ممكن أخسر الحوار لكن عمري ما هأخسركم" المهم أتناقشنا في بعض القضايا و أثناء المناقشة الدكتورة دخلت المحاضرة فاتفقنا على إننا نكمّل بعد المحاضرة و بالفعل بعد ما المحاضرة انتهت رجعنا لنقاشنا مرة أخرى و أثناء النقاش عرضت هيام علينا (أنا و هالة) إن أحنا نروح حفلة الكريسماس بتاعهم ، وهي إنهاردة الساعة خامسة وهيبقى فيها فريق مارمرقس مصر الجديدة، المحاضرات في اليوم دة كانت هتخلص الساعة 2 عصراً ، وأنا كنت فاكر الحفلة في الجامعة ، إتضح إنها في مكان إسمه "بيت عمانؤيل" بالفجالة ، هيام وصفت لنا إزاي
نروح ، وبعدها قالت لو كنتم هاتيجوا إبقوا كلموني ، و إديتنا دعوتين و احدة ليا و واحدة لهالة ، وشكل الدعوة أهوه

بقيت أنا و هالة ، فقولت لها أنتي هاتروحي؟ قالت لي إن شاء الله ، بالنسبة لي أنا كنت متحمّس للموضوع جداً ، عشان أكتر من سبب ، أولاً جو المغامرة ثانياً خبرة جديدة هتنضاف ليا ثالثاً (بوجهة نظر باحث اجتماعي_إن شاء الله) الفرصة دي هتبقى مجال ميداني جامد جداً هأخد خبرة ميدانية من نواحي كتيرة جداً رابعاً الفضول الشخصي

نرجع للموضوع ، قولت لهالة لو هأروح هأكلّمك الساعة 4.30 يعني قبل المعاد بنصف ساعة ، المهم روّحت البيت على الساعة 2.30 تقريباً ، قررت إن أنا أتغدّا و أذاكر شوية و بعد كدة هأروح الحفلة ، بالفعل دخلت حضّرت الغدا لنفسي ، وذكرت شوية صغيّرين ، وعلى الساعة أربعة كلّمت هالة ، فرديت عليا و قالت لي إنها مش هتروح الحفلة مش عشان حاجة أكتر من إن (أبن أخوها كان تعبان و هيروحوا بيه للدكتور) ، إتصدمت لبضعة ثواني لمّا عرفت إنها مش جاية،كلّمت بعدها بسمة (ودي واحدة زميلتنا في الكلية عرفت بالحفلة وكان عندها رغبة في حضورها) اتصلت بيها وإتصدمت برضوا

جلست أفكّر وحدي لبضعة دقائق في الموقف اللي أنا محطوط فيه ، أروح و لا ما أروحش ، لغاية ما قررت إني هأروح لوحدي و بالفعل استعديت و قررت إني أعمل تدوينة عن المغامرة دي ، ف جات لي فكرة إني أئخذ الموبايل أبو كاميرا بتاع والدتي عشان أصوّر الليلة هناك و بالفعل استأذنت والدتي و هي لم تمانع ، ونزلت متجهاً للحفلة

إتصلت بهيام و قولت لها إن هالة مش جاية و إن أنا عايز أجي لوحدي ، هاينفع و لا لأ، فقالت لي لا أبداً ما فيهاش أي حاجة دة أنت تشرّفنا (كعادتها في قمة التحضر و الذوق) ، تحمست أكتر و روحت راكب المترو و نزلت محطة مبارك و خرجت إتجاه شارع كامل صدقي بالفجالة زي ما هيام قالت لي ، طلعت من المترو و مشيت شويه و سألت واحد لو سمحت هو فين بيت عمانؤيل ، بص لي باستغراب شوية و قال لي إيه !؟
مش عارف ليه أنا إتكسفت شوية ...... قولت له بيت عمانوئيل يا حج ، قال لي لا ما أعرفوش _ حسّيت إنه عايز يقول لي يالله ياض من هنا _ سيبته و مشيت و سألت واحد تاني قال لي هتلاقيه في أخر الشارع ، مشيت لغاية أخر الشارع و لاقيت هيام جاية هي و مجموعة من زميلاتها _ كنت أعرف منهم أتنين شيري و سوسانّا _ رحّبت بيا ودخلنا بيت عمانؤيل ، جالي إحساس غريب أول ما دخلت حسّيت بالاغتراب ، المكان عامل زي المركز الاجتماعي ، عبارة عن حوش كبير و فيه ملعب كورة و في الجنب في مدخل صغير بيؤدّي للمسرح أو قاعة الاحتفال ، المدخل دة في غرفتين واحدة في الأول و واحدة في الأخر الناس كانوا بيصلّوا في واحدة و بيعملوا بروفات في التانية

المهم ، لما دخلت مع هيام البيت(بتاع عمانؤيل) المكان كان مزدحم بالشباب و الشابات أول ما دخلنا كان لأزم تكتب بيناتك ، البيانات كانت عبارة عن الاسم و العنوان و الموبايل و اسم كنيستك و الكلية و الجامعة،دي كانت أول المواقف المحرجة ، المهم جيه دوري عشان أملى البيانات فكتبت الاسم محمد محمود محمد وكتبت الموبايل و الكلية و الجامعة و سيبت العنوان و الكنيسة ، جيت أمشي بعدها راح الولد بتاع كشف الأسماء مسكني وقال لي لا أكتب العنوان و أسم كنيستك عشان نيجي نزورك روحت ضاحك له !!!!!!!! ، استعنت بهيام فقالت لي أكتب أسم جامعك ضحكت أكتر ، سوزاّنا بنت الحلال هي اللي لحقتني حقيقي و قالت له دة (مش مسيحي) راح الولد هو اللي أبتسم

و بعد كدة أبتديت هيام تعرّفني على الناس ، في الأول عرفتني على شخص أسمه "البير" ، التعارف تم كالأتي إحنا ماشين اتجاه البير ، لما وصلنا سلّميت هي عليه و أنا سلّمت عليه بعدها وقالت له محمد يا البير ، أنا ابتسمت له ، فراح مبتسم لي ، ودردشت معاه شوية وبعدها طلبت من هيام إنها ما تتقيدش بيا و تعيش حياتها و أنا هأتفاعل مع المكان ، وبالفعل راحت هيام لصاحباتها ، وأنا فِضلت واقف مع البير ، وقال لي إن هيام جات استأذنته عشان عايزة تجيب واحد زميلها أسمه محمد (اللي هو أنا)، فقال لها إيه المانع ورحّب بالموضوع ، البير دة هو أحد المشرفين على الحفلة ، حقيقي كان شخص ظريف و متحضر و ساعدني كتير على التكيف مع المكان في اليوم دة ، من المواقف الكوميدية اللي حصليت لي في اليوم دة مع البير ، إن البير كان بيقول لي إن عندهم ناس بيمارسوا رياضات كتير قدم ويد وسلة وحاجات كتير قمت أنا قايل له اللهم صلي على النبي دة شيء إيجابي جداً، المهم بعد كدة البير أخدني و دخلنا قاعة المسرح ، كان لسة فاضل على الحفلة نصف ساعة ، قمنا خارجين تاني ورجعنا لمكان ما كنا في الحوش ، البير إبتدى يعرّفني على الناس وانا اسمي محمد مش فادي نادي عصام لا مسلم مسلم يعني صريحة :) والحمد لله على نعمة الاسلام ، كان ينده على حد ، مثلاً يا مينا ، يروح مينا جاي ، يروح قايل لي مينا من جامعة القاهرة أقوم مسلّم عليه ، يروح قايل له محمد يا مينا ، أقوم أنا مبتسم أكتر و الطرف التاني يسلّم عليا بحرارة أكتر ، وهكذا مع كل واحد

البير أصر إنه يعزمني على حاجة بس حقيقي أنا كنت شبعان جداً ، بعد كدة ابتدى العدد يقل شوية في الحوش ، فعرفنا إن الحفلة كانت على وشك البداية ، فروحنا داخلين القاعة

جلسنا أنا والبير في بداية الجزء الأخير من كراسي المسرح و ابتدت الحفلة ، وجاءت فقراتها كالتالي
كان في شاب جنتل بيشرف على تقديم الحفل ، في البداية عرض فيلم أجنبي كوميدي عن تقاليد الاحتفال بعيد الكريسماس عند الغرب

وبعدها على طول عرض فيلم قصير عبارة عن مجموعة أشخاص بيمثّلوا الخطايا و شخص تاني بيمثّل المسيح و البطلة شابة بتمثل الإنسان أو النفس البشرية، الأشخاص واقفين على اليمين و المسيح على الشمال و البطلة في المنتصف وفي جذب من الطرفين للبطلة وهي بتحاول تروح للمسيح لكن الخطايا اللي هم الأشخاص منعينها إن هي تروح كل ما تحاول تتحرر منهم تفشل ، لغاية ما المسيح بيتدخّل و بيتصدى للخطايا و بتستطيع البطلة إنها تستقل و تتحرر من الخطايا ، الفيلم قصته و فكرته كانت حلوة و كانت معبّرة 

بعد نهاية الفيلم تم التعليق عليه و تم توضيح إيه اللي بيعكسوا الفيلم ، بعد كدة تم تقديم بعض المواهب الشابة ، قامت في البداية بنت ألقت شعر في حب المسيح وكان شعر جميل ، بعدها قام شاب أسمه مينا قال ترنيمتين كانوا حلوين أوي ، وبعد كدة قامت البطلة بتاعتنا هيام و قالت ترنيمة كانت جامدة جداً و هي أصلاً (هيام) صوتها جامد جداً ، الصالة كلها صقّفت لها بعدها ، و كل موهبة أخذت هدية بعد ما قدّمت موهبتها ، بعد كدة تم تقديم فريق مارمرقس مصر الجديدة ، و أستقبل بتصفيق حار

الفريق قدّم ترنيمات مختلفة لمدة ساعة تقريباً ، حصل في الفترة دي موقف عمري في حياتي ما هأنساه ، الموقف كالأتي أنا والبير قاعدين مع الناس في صالة المسرح ، لاقيت واحد من ورايا بيقول لي هو النظام إيه هنا؟ قولت له بمعنى إيه؟ قالي أنت أول مرة تيجي هنا قولت له أه ، وقولت له بس دة احتفال بعيد الكريسماس أسرة المحبة هي اللي منظّماه ، وبعد كدة رجعت أتفرج على الفريق ، قاعة الاحتفال سقفها مفتوح من الجناب ، فسمعت صوت أذان العشاء مش عارف ليه حسيت بشعور غريب و أبتسمت ، كان في الوقت دة الفريق بينهي ترنيمة فالصوت كان عمّال ينخفض ينخفض، وكانت القاعة كلها ساكتة و كلها أذن صاغية ، مافيش 3 ثوان من بعد ما سمعت الاذان من برة لاقيت في حاجة بتأذّن في القاعة و لاقيت حاجة بتقول بصوت عالي الله أكبر الله أكبر ، الصوت دة جاي منين يا جماعة أتاري الموبايل بتاع أمي اللي معايا في برنامج الاذان و أول ما جيه معاد أذان العشاء راح مأذّن لوحده ، بسرعة قمت مخرّج الموبايل و روحت قافله
الموقف كالأتي ، بعد ما قفلت الموبايل لاقيت ناس كتير بصة لي ،ولاقيت واحد جنبي باصص لي بصّة تأليئ عايز يقول أنت مين يا عم ؟! و لاقيت واحد من ورة بيقول وأنا بسألك إيه النظام هنا ، و لاقيت واحد تاني بيقول أنتوا هتألأونا و لا إيه يا جماعة و لاقيت واحد تاني بيقول أنا عايز أشوف الصليب و اللي سألني في الاول قالي أنت أسمك إيه يا كابتن كنت عايز أقول له أسمي وليام عشان نمشّي الامور بس ماقدرتش و قولت له أنا أسمي محمد ، حسيت إني مش هأخرج من القاعة دي سليم، في الوقت دة تدخّل البير (بصفته مشرف وحد كبير) و طلب من الناس الهدوء و الاستماع للترانيم ، مشيت الامور طبيعية بعد كدة وبعد ما خلصت الترانيم ، تم تحية الفريق وبعد كدة خرج من القاعة

تم تجهيز المسرح بعد كدة عشان عرض مسرحية أو شو صغير كان بيدور حول فكر و تصور الناس القدامى عن المسيح قبل أن يأتي وكيف أرسله الله بعد ذلك بشكل بسيط من حيث الإمكانيات على عكس ما تصوّر الناس قبلها

و تناول كمان فكرة الخلاص وما هو الشيء البسيط المطلوب من كل شخص حتى ينعم بدخول الجنة ، والمطلوب هو أن يؤمن الشخص بخلاص المسيح وقصة فدائه على حد اعتقادهم اللي هي ان سيدنا ادم نزل بخطيئة من الجنة وهي الاكل من الشجرة اللي ربنا امره انه مايكلش منها وبعدها اكل بعد م الشيطان وسوس له وخدعه ... هم بيشوفوا ام كل نسل سيدنا ادم توارث الخطيئة دي بالفطرة في صورة الضعف البشري لما بنغلط  فكان لازم يجي أنسان من نسل غير نسل سيدنا ادم يضحي بنفسه علشان يزيل الخطيئة من كل البشر اوالنسل الادمي وخلاص كل شخص في انه يؤمن ان المسيح هو المُخلّص وبكدة يضمن الجنة "هذه هي العقيدة المسيحية" ... وأتكلم العرض كمان عن جزئية خاصة بالأطفال المسيحيين وهي حقيقة الهدايا اللي بيصحي الأطفال المسيحيين يلاقوها وعائلتهم تقول لهم إن بابا نويل هو اللي جابها لهم وهم نايمين ، العرض على الرغم من إنه كان بسيط إلا إنه كان معبّر و الممثلين كانوا على درجة عالية من الاحترافية، الحوار كان بيدور من خلال شخصيتين الجد و حفيدته
بعد العرض دة ، إتكلم أحد المشرفين على الحفلة عن العام الجديد و عن الخطايا اللي عملها كل واحد منهم في العام الماضي و بعد كدة طلب من الجميع في القاعة الوقوف وتذكّر خطايا العام الماضي بشكل شخصي و بعد ذلك الصلاة لله و طلب السماح منه بخشوع ، لاقيت بعد الكلام دة ما إتقال الكل قام و إبتدى يصلى ، قمت واقف أنا كمان وقمت داعي في سري و قولت اللهم صلي وسلّم وبارك على سيدنا محمد ، اللهم إني أسألك رضاك والجنة ، اللهم أي أعوذ بك من غضبك والنار ........ حتى أنتهوا من صلاتهم و روحت قاعد
وبعد كدة تم تجهيز الحضور لاستقبال بابا نويل وتم إبلاغ الجميع أنه سوف يتم توزيع وجبات بعد العرض الخاص ب بابا نويل ، وبعدها بالفعل دخل بابا نويل إلى القاعة مع زوجته ماما نويل ، بأزيائهم الحمراء الجميلة و المميزة وتحدثوا للجميع بشيء من الفكاهة وتم توزيع هدايا تذكارية على الجميع ، أعطوني وجه بابا نويل ، بعد ما روّحت علقته عندي في حجرتي ومازلت أحتفظ به كتذكار

بعد أن تم الانتهاء من توزيع الهدايا ، طلب المشرفون من الحضور التوجه للخارج لتناول الوجبات و أخبروا الجميع أن هناك أكل صيامي و غير صيامي وكل واحد يختار اللي يناسبه ، وبعدها خرجنا من قاعة المسرح ، أول ما خرجت راح واحد راح واحد ماسك إيدي و قال لي صيامي و لا لا ، في الحقيقة ما رديتش راح مديني طبق في قطعة مكرونة بالباشميل و قطعة فطيرة رقاق و قطعة بسبوسة ، وقمت متجه ناحية الحوش في الوقت دة هيام رنّت لي ، قمت رايح لها أنا و البير ، وقولت لها عن الموقف بتاع الأذان اللي عمري في حياتي ما هأنساه و قولت لها إن أنا حقيقي مش قادر أئكل عشان حقيقي شبعان ، راح الحاج البير قايل أنت مش عايز تاكل أكل نصارى ولا إيه!؟ قولت له لا والله و قولت له بلاش الكلام دة ، قال لي أنا بهزّر والله ، طبعاً اضطربت أئكل عشان أكسر له الفكرة دي ، ماقدرتش أئكل المكرونة لكن أكلت قطعة فطيرة
بعد كدة وقفنا مع بعض أنا و البير و زوجته روز و أختها و هيام و سوزانّا، دردشنا مع بعض وهم في الحقيقة ناس لذاذ جداً ومتحضرين والبير كان شخص

بعد كدة التقتنا بعض الصور مع بعض ثم سلّمنا على بعض وبعدها أنصرفنا أنا و هيام و سوزانّا و ولد و بنت تبع هيام، ركبنا المترو و الكل نزل محطة البحوث ماعدا سوسانّا كانت هتنزل محطة فيصل ، وخرجت أنا وشلة هيام من المترو وبعدها سلّمت عليهم و روّحت على بيتنا
أنا سعيد جداً باليوم دة على الرغم من المواقف المحرجة الكتيرة اللي أنا أتحطيت فيها، وكنت هأندم لو كنت ماروحتش ، وهالة و بسمة خسروا كتير وأنا سعيد جداً إني أتعرفت بشكل في نوع من التعمّق على الناس دي و على طقوسهم ، أنا إكتسبت خبرة ميدانية و ثقافية حقيقي قيّمة ، أنا سعيد إني كوّنت صداقة مع الناس دى ,وفي نفس الوقت انا فخور وسعيد وبأحمد ربنا إني أنا إتولدت مسلم وإني إن شاء الله هأموت مسلم

الباحثة عن ذاتها

مريم طالبة جامعية ، في ريعان شبابها ، تتمتع بأصدقاء ليس لهم مثيل و بعلاقات اجتماعية ناجحة مع الجميع ، فالكل يحبها و الجميع يشعر إنها أخت لهم قبل أن تكون صديقة ، و لكنها مشتّتة .........ء

فهي دائماً تسبق سنها و لا تحبذ النظر تحت قدميها ، فهي تنظر إلى ما هو أبعد عن ذلك بكثير ، فهي طموحة و لكنها تدور حول نفسها في دائرة تدور بها مع من حولها ... فهي تائهة

تتمنى أن تتحد مع ذاتها ومع الواقع لتكوّن جبهة قوية تواجه بها الحياة ، فهي تتمنى أن تنطلق عملياً فهي تؤمن أن الاستقلالية و العمل هما جوهر السعادة و هما مفتاح الطموح ، ولكنها لا تعلم من أي مجال تنطلق؟

هي تتمتع بمميزات جيدة إلى حداٍ ما ، فهي نشيطة ، متحملة للمسئولية ، مجتهدة ، لها علاقات اجتماعية جيدة ، طموحة و دخلت في مجالات متعددة و لكنها لم توفق في معظمها تقريباً بغض النظر عن الأسباب ، فالنتيجة واحدة وهي الفشل ، و التحقت بعد ذلك بمهن مختلفة منها ما هو الجيد مادياً و منها ما هو الجيد اجتماعيا ، إلا إنها لم تجدها بعد

فلم تتحد مع ذاتها حتى بعد كل ذلك !؟

هي تتمنى أن يكون لها مجالها الذي تحبه و الذي تتخصص فيه و تنطلق و تتمكن منه و يكون سندها في شخصيتها إلا إنها لم تجده بعد

و على الرغم من ذلك فالجميع ينظر لها على إنها شخصية جيدة ومميزة و مجتهدة و ناجحة و لها مستقبل رائع و إنها إنسانة من الصعب أن تجد مثلها حالياً ، إلا إنها لا ترى نفسها كذلك

فما أصعب شعورها بنجاحها عندما تراه في أعين الناس و لا تشعر به بنفسها

ولكنها تشعر في داخلها بأنها ستصل في يوماً من الأيام إلى ما تتمنى ، ولذلك فهي لا تتوقف عن السعي و لن تتوقف ، ولكن يؤرقها كثيراً سؤال لا يفارق ذهنها ، وهو

هل ستصل في يوماً ما إلى ما تتمناه كما تشعر بداخلها أم إنه مجرد شعور خيالي توهم به نفسها و ستظل تبحث عن ذاتها إلى الأبد !؟

بسم الله أفتتح التدوين

بسم الله أفتتح التدوين في هذه المدوّنة
وفي البداية وإحقاقاً للحق ، أحب أن أعرب عن شكري وتقديري للمدوِّنة بنت مصرية لأنها ساعدتني بشكل كبير على أن أنشِئ هذه المدونة من خلال توضيحها لخطوات إنشأ المدونة بشكل بسيط وسهل على المدونة الخاصة بها و اللينك

بتاعها أهوه

http://bentmasreya.blogspot.com/2006/05/blog-post_28.html

أنا ناوي إن شاء الله أكتب في المدونة دي عن نفسي وعن واقع المجتمع ، عايز أكتب عن مشاكلي ومشاكل الشباب اللي في سنّي والحاجات اللي بضّايقني في نفسي وفي الناس وفي المجتمع عموماً ، وعن التجارب الناجحة و الفاشلة مجتمعياً ، أقصد إني هأتكلم في المشاكل وفي الأنجازات وبشكل موضوعي ومحايد ومن خلال وجهة نظري الشخصية ومن غير ما أنحاز لا للحكومة ولا للناس اللي هم إحنا أنا وأنت وأنتي وحضرتك كمان....الشعب عموماً يعني............ بس

إن شاء الله خير... وعموماً أنا متفائل ولازم نتفائل عشان نعرف ننجز أي حاجة ، وعلى رأي والدتي "أول الغيث قطرة" وأنا شايف أن المدونات دي هي القطرة بالنسبة لي على الأقل وهتبقى قطرات و قطرات فيما بعد إن شاء الله لغاية ماتبقى سيول تغرّق أعدائنا اللي هم الجهل والكسل والخوف والسلبية والفساد والفسدانين كمان وغيرهم وغيرهم ، وعموماً المطرة خير يعني ، على فكرة أنا نيّتي وهدفي من عملي للمدونة دي هو نقد أنفسنا نقد واقعي وبنّاء في نفس الوقت عشان

نتحرّك للأمام أو نزحف حتى بس المهم نتحرك

وفي نهاية الكلام ... هأقول سلام ، لأن السلام ختام ..... فالسلام عليكم ورحمة الله و بركاته