الحياة The Life

الحــــــــــــــــــــــــــــــــــــياة

 الحــــــــــــــــــــياة ، الحياة دي حدوتة كبيرة اوي ، مش زي ما كنت متوقعها وانا صغير ، مش لازم ان كل حاجة فيها تكون ماشية طبيعي تجتهد تلاقي تعبك بشكل مباشر ، تخلص تلاقي المقابل فورا او انك تتعلق بحلم او هدف او طموح وتسعى له بإخلاص بكل ذرة في خلايا جسمك وروحك ... و تلاقي نفسك في الاخر ما اخدتش اللي انت بتحلم بيه؟؟!!!  او صديق او حبيب اديته اكتر ما عندك بإخلاص بس مكانش في تقدير حتى للعشرة على الاقل !!! بس دة طبيعي لاننا عايشين في كوكب الارض ما احناش في الجنة :) بس مش معنى كدة اننا نستسلم ، بالعكس لازم يكون عندنا بُعد نظر مصحوبة بنضج وخبرة بأمور الحياة وطبيعة سنن ربنا في تسيير الامور في كونه ، مع حسن ظن بالملك طبعا، لأن كل حاجة مكتوبة لنا عند ربنا ودايما ربنا بيختار لنا الافضل، مش كلام تطيب خاطر دة عن خبرة تعامل مع ربنا، بس قبل ما احكي عن قصتي مع حسن الظن بربنا ، في حديثين عن الرسول (ص)  ص 

عن أبي العباس عبد الله بن عباس رضي الله عنه قال كنت خلف النبي  يوماً فقال: يا غلام , إني أعلمك كلمات : احفظ الله يحفظك , احفظ الله تجده تجاهك , إذا سألت فاسأل الله وإذا استعنت فاستعن بالله , واعلم أن الأمة لو اجتمعت على أن ينفعوك بشيء لم ينفعوك إلا بشيء قد كتبه الله لك , وإن اجتمعوا على أن يضروك بشيء لم يضروك إلا بشيء قد كتبه الله عليك , رفعت الأقلام وجفت الصحف " رواه الترمذي 

وقال : حديث حسن صحيح وفي رواية غير الترمذي " احفظ الله تجده أمامك , تعرف إلى الله في الرخاء يعرفك في الشدة , واعلم أن ما أخطأك لم يكن ليصيبك وما أصابك لم يكن ليخطئك , واعلم أن النصر مع الصبر , وأن الفرج مع الكرب , وأن مع العسر يسراً "

صدق رسول الله (صلى الله عليه وسلم) بأحس كتير اننا لو تعاملنا بالمنطق دة مع طموحنا والحاجات اللي بنتعامل معاها وبنتعلق بيها هتفرق كتير ، لو مثلا كنت حاطط امل على شغلانة وعديت اختبارات كتير فيها ... والناس اللي حواليا ابتدوا يهنوني عليها من كتر تميزي ، وفجاة لاقيت واحد تاني اخدها مني ممكن يكون في نظري مايستحقهاش ... كطبيعة البشر لازم هأزعل وهأحزن وممكن ابكي من كتر تعلقي بالوظيفة او حلمي ، بس لغاية كدة المشهد ناقصه حاجة ، ناقصه حسن ظن بالملك ، مؤكد ان دة ممكن يكون اختبار من ربنا او محنة هتيجي بعدها منحة كبيرة بإذن الله ، إحنا ليه بننسا قول ربنا سبحانه وتعالى: 

 وَلَنَبْلُوَنَّكُمْ بِشَيْءٍ مِنَ الْخَوْفِ وَالْجُوعِ وَنَقْصٍ مِنَ الْأَمْوَالِ وَالْأَنْفُسِ وَالثَّمَرَاتِ وَبَشِّرِ الصَّابِرِينَ * الَّذِينَ إِذَا أَصَابَتْهُمْ مُصِيبَةٌ قَالُوا إِنَّا لِلَّهِ وَإِنَّا إِلَيْهِ رَاجِعُونَ أُولَئِكَ عَلَيْهِمْ صَلَوَاتٌ مِنْ رَبِّهِمْ وَرَحْمَةٌ وَأُولَئِكَ هُمُ الْمُهْتَدُونَ) (البقرة: 155/ 156 /157)ص

 انا مثلا كان نفسي ومنى عيني اني ادخل كلية الشرطة، كان نفسي استقل بحياتي من زمان وكنت شايف في كلية الشرطة هدف وطموح وحياة بأبنيها طوبة طوبة ، ناس كتييييييييييييير احبطيتني وقالت لي مش هتعدي الاختبارات والكشف الطبي صعب وا وا وا وا وقعدو يرصوا لي صعوبات وإحباطات!!! بس انا مركزتش في كل دة، روحت سحبت الملف ومليته وعديت اختبار ورا اختبار لغاية ما الناس اللي كانوا بحبطوني قالوا لي مبروك مقدما وعقبال ما نبارك لك على النجوم كنت طاير طير من كتر ما انا حاسس اني خلاص هحقق اللي انا بأحلم بيه من زمان لدرجة اني والدتي في عيد ميلادي اديتني هديتي في ظرف مكتوب عليه الى ابني حضرة الضابط محمد صقر كنت عايش الحلم اوي بشكل واقعي، المهم ... عديت كل الاختبارات بتميز الحمد لله ، لغاية ما جت اللحظة الفارقة اللي هيتم اعلان فيها اسماء الطلاب المقبولين بكلية الشرطة وكنا في رمضان ... فاكر اليوم دة كويس جدااا، روحت عشان اشوف اسمي وانا كلي امل وتفاؤل روحت للاسماء اللي بتبتدي بحرف الميم وابتدت لحظات الترقب وضربات قلبي ابتدت تزيد ... ابتديت ادور على الاسم في شكله الخماسي ومن كتر اللعب بالمشاعر كنت بلاقي نفس اسمي رباعي والاسم الخامس مختلف، لغاية م حرف الميم خلص من الكشف، مكنتش مصدق نفسي لدرجة اني ابتديت ادور في حرف الالف يمكن يكون اسمي مكتوب هناك بالغلط، دورت في الكشف الف مرة (مجازا) .. عقلي وقلبي مكانوش قادرين يستوعبوا فكرة اني اسمي مش موجود ... طيب واللي انا عملته كله دة كان ايه ... والتميز اللي تميزته في الاختبارات ؟؟!!! اللي كان بيلاقي اسمه كان بيدخل يدي مقاسات البدلة واللي كان مابيلاقيش اسمه كان بيروح ... كان بس بيروح بيتهم ... رغم ان مافيش اي فرق بين الاتنين ... مهما اوصف احساسي بالحسرة الكلمات مش هتساعدني ... 

اكبر غلط وقعت فيه من وجهة نظري لما بفتكر التجربة دي ...  مكنتش عامل حساب ان ممكن اه وممكن لا ... ممكن تقبل وممكن ماتتقبلش رغم تميزك ... عقلي وقبله قلبي مكانش مستوعب غير ايوة هأنجح وهأكون ان شاء الله ... روحت وانا عنية مليانة دموع ومش قادر اتكلم مع حد ... كنت فاكر اني بأدخل الحمام عشر مرات مثلا ولا حاجة في اليوم ... عشان محدش يشوفني وانا بأبكي ... بس بجد وبأحساس صادق يقيناً حاليا انا بأحمد ربنا الف مرة اني مدخلتش كلية الشرطة ... لأن فعلا ربنا رزقني بمستقبل في نظري افضل من كلية الشرطة بكتير وربنا مبارك في اكتر بكتيييييييييير 

ما انكرش اني كنت هأموت والبس البدلة ويتقال حضرة الظابط راح وحضرة الظابط جه .... بس ربنا عوضني بكتييييييير ... دة غير الازمة النفسية الرهيبة اللي كنت ممكن اعيش فيها بعد ازمة الشرطة بعد الثورة ... عشان كدة لازم نحسن الظن بربنا ونتعامل بحنكة وحذر في اي حاجة بنتمناها بس الاهم اننا ندرك ان ربنا دايما بيكتب لنا الافضل فمش معنى ان حاجة انا كنت متعلق بيها اوي وماجاتليش انا كدة اتظلمت وربنا مش عادل 

بالعكس كونوا على يقين ان الافضل لم يأتي بعد ... مش في حديث بيقول "انا عند ظن عبدي بي فليظن بي ما شاء" ... لو احسنا الظن بربنا ان انا بكرة افضل ... عن تجربة ويقين هيكون افضل بإذن الله ... والاهم بجد من وجهة نظري ان ربنا لازم يكون اكبر حاجة في حياتنا لأن هو اكبر كيان جدير بالمكانة دي في حياة كل واحد مننا ... واي خسارة بعده تهون وكمان لاننا هنكون على يقين انه مش هيكتب لنا اي حاجة  تضرنا حتى لو كان دة الظاهر لكن لازم نكون على يقين انها منحة
 مش 

محنة .... بس

كان في دعاء جميل جدااا بيقول
اللهم إني أسألك الشجاعة لتغيير الاشياء التي أستطيع تغييرها
وأسألك السكينة لتقبل الاشياء التي لا أستطيع تغييرها

وأسألك الحكمة لمعرفة الفرق بينهما 

The Life

Life is simply a combination

Of

People we meet

And

Days we spend it with those people.

People we lived with them

The happiest and saddest days ever.

Days we wish if we could live it again

And days we wish if it didn't happen at all.

People we wish if we could live with them for ever

And people we regretted meeting them,

But the truth is that,

That will keep happening as long as we are alive

And live never stop upon the death of someone you loved

Or

A friend you had to leave

Or

Someone you loved him deeply but he didn't feel your love

Or

Something you liked to do but this doesn't work anymore.

Sometimes when any of these happen

We think that life should stop..........

But it doesn’t.........!!???

That's life

The Hardest thing about moving forward

Is not looking back.

If we want life to move on

We should look forward not behind us