Sunday, March 23, 2014

وجدت ضالتي

الفترة الاخيرة دي زاد ولعي الشنييييييع بمشاهدة البرامج والافلام الوثائقية ((عن التاريخ)) واللي حصل قبل كدة ((وعن العجائب زي الاهرامات)) واتبنيت ازاي (( وحياة الفراعنة وإنجازاتهم )) و ((وقوم عاد اللي كانوا عمالقة)) واطول مننا بكتييير وتجارب ناس تانية كتييير قبلنا والاهم اثر الناس دي ايه حالياً 

حسيت ان فيه متعة مختلفة في إنك تتفرج وتتعرف على تجارب الناس اللي قبلنا وكأنك كنت عايش معاهم او عرفت عاشوا ازاي وعملوا ايه ... 

من الصعب انك تلاقي حقايق ثابتة وصحيحة 100% من غير اجتهادات في الافلام دي ... جالي احساس أني نفسي اتفرج على فيلم او سلسلة افلام فيها احداث الارض من اول ما اتخلقت لغاية وقتنا هذا !!! بس قولت فين الواحد يلاقي الكلام دة 

الصراحة حسيت ان احنا معانا سلسلة افلام وثائقية مضمونة 100% بس احنا مهملينها 

- من غير اي جو للدراما - بجد (( القرءان )) فيه كل الحاجات دي والخلاصات كمان ... خصوصا وان تلت القرءان ققص أنبياء وتجارب اقوام كتييير ... دة غير ان القرءان فيه تجارب الماضي والحاضر والمستقبل 

دكتور عمرو خالد كان عامل حلاقات اسمها ((خواطر قرءانية)) بيتكلم فيها عن الهدف والمجمل من كل سورة من سور القرءان وان ترتيبهم مش جاي كدة عشوائي ... الترتيب له حكمة ومغزى. 

وفيه كمان سلسلة ((قصص القرءان)) بتشرح وتفسر ققص القرءان بالتفصيل 

((ودة لينك لحلقات ((خواطر قرئانية 

((ودة لينك حلقات ((قصص القرءان 1 

من الجدير بالذكر: ان مجتمعنا المتخلف او النسبة الاعلى منه بتربط بين التديّن وبين الانعزال عن الواقع ودة غير صحيح بالمرّة ... 

وفي مشكلة كمان او تحدي بالنسبة لنا ... ان احنا ممكن نفضّي من وقتنا عشان نعمل اي حاجة لكن لما بنيجي عشان نتابع حاجات زي كدة بنتحول لرجال اعمال مرة واحدة ووقتنا كله بيبقى مشغول ... 

المهم / الخلاصة بتقول: وجدت ضالتي والحمد لله