تدريب كوادر وزارة الثقافة المصرية 4 & 5 & 8 يناير 2017

مش هأقول غير شكرا لمحمد علي صديقي المدرب على ترشيحي لهذا التدريب
فرق معايا جدااااً على  المستوى الشخصي

أخدت كمية طاقة حلوة جداااا محتاجها على اظبط حاجات كتير في الخطة الشخصية بتاعتي ل 2017

وفي نفس الوقت حسيت التجربة كلها كأنها رسالة من ربنا ، إن دة طريقي الأساسي واني لازم أجتهد اكتر فيه وإني لازم افضي كتيير من وقتي ليه وأتمنى يجي اليوم واتفرغ تماماً للتدريب وإن شاء الله مش هتكون مجرد امنية لكن هدف واضح وقوي في القريب العاجل بإذن الله

من الجدير بالذكر أن التدريب كان لمدة 3 ايام كل يوم على موضوعات مختلفة وكان البرنامج كالتالي

 اول يوم برنامج اكتشف نفسك واخطو نحو النجاح وهو برنامج بيتكلم عن 4 امور اساسية وهي التهيئة النفسية والذاتية من اجل النجاح ثم مهارات اتخاذ القرار السليم لأقتناص الفرص ثم الخطوات ال 7 لصياغة وتنفيذ الأهداف والختام مجموعة من المبادئ تساعد على النجاح

اليوم الثاني كان عن مهارات العرض وشمل الخطوات ال 7 من اجل عرض متميز واكثر 10 اخطاء متكررة لأي عرض قد نقدمه

واليوم الثالث والختامي كان عن التخطيط الشخصي وإدارة الوقت
وتناولنا فيه معنى التخطيط واهميته ومعنى التخطيط الأستراتيجي وانواعه؟ والدورة الحياتية لأي هدف او مشروع قد ننفذه ؟ وال خطوات ال 7 للتفكير الأستراتيجي ، بالأضافة إلى فنيات التخطيط وطريقة التحليل المعروفة
Swot Analysis
ثم تم تناول اهم جوانب الحياة الجديرة بالتخطيط وهم 12 عنصر مقسمين تحت 4 بنود اساسية وهم
الجسد والجيب والقلب والعقل
ثم ختمنا الكورس بمهارات إدارة الوقت من اجل النجاح في تنفي ما تم التخطيط له

وإن شاء الله مش هتكون التجربة الأخيرة للتدريب خلال 2017 وسأسعى جاهد لجعلها سنة التدريب بإذن الله
سعيد بالتجربة واؤكد ان الرسالة قد وصلت بقوة وان شاء الله القادم اجمل واحلى بإذن الله
والله المستعان
ومادام هناك عزم سيكون هناك سبيل بإذن الله

2017 عام جديد ان شا الله يكون مليان نجاحات مختلفة

هأكتب في البوست دة كل الحاجات اللي هيكون نفسي احققها ان شاء الله في 2017 وهأجي في 1-1-2018 ان شاء الله ولز ربنا اداني العمر واحكم السنة كانت ناجحة في نظري ولا لا :))

كل سنة واحنا كلنا بخير وناجحين بإذن الله